Fryske Jip en Janneke yn pear wike tiid ta oan twadde printinge

De boeken fan Jip en Janneke yn it Frysk geane as waarme broadsjes oer de toanbank. De earste oplage fan 1000 stiks dy’t mids desimber ferskynde by útjouwerij Afûk wie yn in wike tiid útferkocht. Fan nije wike ôf leit de twadde printinge yn de boekhannel.

‘Wy hienen stikem fansels wol hope dat dit boek in grut sukses wurde soe’, seit Hermien van der Meer fan újtouwerij Afûk, ‘mar dat wy fuortendaliks by it ferskinen fan de earste printinge al in opdracht foar in twadde printinge jaan koene, dat wie wol boppe ferwachting.’ De twadde printinge fan Jip en Janneke ferskynt yn in oplage fan mar leafst 2000 stiks. ‘Foarearst kinne we dêr wol even mei foarút.’

Yn de Fryske Jip en Janneke binne alle aventoeren fan diel 1 oant en mei 5 fan de ultime beukerfreontsjes byinoar brocht. Fan ‘Jip en Janneke boartsje tegearre’ oant ‘Dach Jip, dach Janneke!’. De yllustraasjes fan Fiep Westendorp binne yn swart-wyt én yn kleur.

• Facebook
• Twitter
• Linkedin
• Whatsapp
• Whatsapp
• Mail