Toanielselskip “Noflik Tegearre”spilet Mine Totalos.

Nei in skoft oefenjen sille wy wer op de planken komme mei in nij stik. Dit jier is dat Mine Totalos fan Hans Wijngaarden.
De famylje Meindertsma hat in skroatbedriuw en sy sille in nije autokreaker yn gebrûk nimme.

Soan Eldert hat earst op fakânsje west nei Grikenlân. Hy fertelt syn heit dat er op stap west hat mei in dochter fan in grutte Grykske reder. Mem is alhiel fan it hynder as sy heart dat it in rike Grykse reder is. Sy sjocht it houliksboatsje al farren.

Mar foardat de nije autokreaker mei help fan de boargemaster yn gebrûk nommen is, stiet der noch hiel wat te gebeuren. En wa binne al dy froulju dy’t wy tsjin komme? Wa is no de echte Mine Totalos? Binne jim nijsgjirrich dan binne jim wolkom. Wy spylje it stik fjouwer kear dus genoach kar.

Saterje 25 oktober doarpshûs “De Bazuin”Triemen, oanfang 20:00 oere.

Freed 31 oktober doarpshûs “De Trije Doarpen”Kollumersweach, oanfang 20:00 oere.

Saterje 1 novimber “De Tredder”Westergeest, oanfang 20:00 oere.

Freed 14 novimber “Old Dutch”De Westereen, oanfang 20:00 oere.

Foar ynljochtingen en kaartferkeap kinne jo skilje mei: Trientsje de Boer tel: 0511-445477. Of sjoch op de webside www.noflik-tegearre.nl

 

• Facebook
• Twitter
• Linkedin
• Whatsapp
• Whatsapp
• Mail