Locatie: | Buitenpost |
---|---|
Begin datum: | zaterdag 01 december 2018 00:00 |
”De tante fan Charly” is in klucht yn twa bedriuwen, “Charlie’s Aunt”, fan Brandon Thomas yn in Fryske bewurking fan Anneke Burgy. It toanielstik fynt plak yn The Point te Bûtenpost om 20.00 oere.
Twa omheechfallen knapen ha it wakker yn’e holle om mei de famkes Heemstede te trouwen. Harren ‘beskermjende’ heit tinkt hjir lykwols hiel oars oer. De âld man is benaud dat de hearen allinne mar op it famyljekapitaal út binne, mar dan komt der ynienen in stjonkend rike tante út Brazilië del en stiet it d’r ynienen hiel oars foar. De mannen betinke in plan, mar op it momint suprême komt tante net opdaagjen en driget alles yn de soep te rinnen. Gelokkich bringt de húsfeint yn in grutte jurk de oplossing! Fansels rint dit hielendal mis. Mar faaks ek wol wer net… En dan komt ek noch de wiere tante ynienen foar it ljocht… Hilaryske situaasjes binne garandearre.