“Mei Nocht foar’t ljocht ”Wat binne wij moai fuort…..
LJUSSENS – De Ljussemer toanielploech “Mei Nocht foar’t ljocht.” hat ôfrûne freed en sneon wer garant stien foar twa noflike jûnen toaniel. Beide jûnen wie de de ‘Gearrkomst’ grou beset en koene de minsken genietsje fan in stikje Fryske folkloare.
LJUSSENS – De Ljussemer toanielploech “Mei Nocht foar’t ljocht.” hat ôfrûne freed en sneon wer garant stien foar twa noflike jûnen toaniel. Beide jûnen wie de de ‘Gearkomst’ grou beset en koene de minsken genietsje fan in stikje Fryske folkloare.
Dit stikje folkloare kaam lykwols dit jier út Afrika
In lyts reisselskip giet ûnder begelieding fan gids Fred (Douwe Hiemstra) nei de binnenlannen fan Afrika. Foar de rike en dominante Luciel (Antsje Boonstra-Teitsma)de ideale trip om opskeppe te kinnen by har freondinnen. Henry (Eelke Sipma), in goede siel, giet lykwols om in hiel oare reden mei as syn frou Luciel.
Ek mei binne Henk (Marten Hoekstra) en Annie (Tiny Schregardus-Sipma), dy’t in priis wûn ha en dêrom de reis meitsje. As Henk opkomt mei in kratsje bier wurdt de toan al set. De jonge, ûnferskillige en luie Emma (Kerstin van der Wagen-Koschel)makket it reisselskip kompleet. Luciel ergeret har dea oan it hâlden en dragen fan Henk en Annie, twa tipen fier ûnder har stân en fan Emma moatte se al hielendal neat ha. Al gau docht bliken, dat it hielendal gjin lúkse fakânsje is, mar in survivaltocht troch de oerwâlden fan Afrika. Foar Luciel in reden om daliks werom te wollen. Spitich, de jeeps dy’t har brocht ha, komme pas oer in pear wike werom. Oanpasse dus!
As dan ek noch de gids, ynienen fuort is, dan wurdt it pas echt in survivaltocht! Al mei al in kluchtich stik wêryn rollen treflik delset waarden. Allegearre in rol op it liif skreaun. It stik stie ûnder de fakkundige regy fan Gerben Hoekstra. It wie dit jier syn 25 jierrich jubileum bij de ploech. Jierrenlang hat hij meispile, de lêste jierren as regisseur. Ut hannen fan de spilers wiene der blommen en in oarkonde foar syn treflike fertsjinst. Minke Wytsma fungearre as sûffleur. De útmûnjende metamorfoazen fan de spilers kamen út hannen fan sminkster Jikke Sytsma. De lûdsfragminten fan Jacob van der Wagen.
Stuur je tip, video of foto's naar:
0511-441202 of nieuws@rtvnof.nl.
