CDA: stel projektlieder oan foar Holwert oan See
De provinsje moat in projektlieder oanstelle foar de útwurking fan de plannen fan ‘e stifting Holwert oan See. Dêrfoar pleitet CDA Fryslân. “De plannen dy’t der lizze binne tige de muoite wurdich,” neffens CDA Steatelid Maaike Prins. “It komt der no op oan dat de plannen konkreet útwurke wurde.”
De provinsje moat in projektlieder oanstelle foar de útwurking fan de plannen fan ‘e stifting Holwert oan See. Dêrfoar pleitet CDA Fryslân. “De plannen dy’t der lizze binne tige de muoite wurdich,” neffens CDA Steatelid Maaike Prins. “It komt der no op oan dat de plannen konkreet útwurke wurde.”
Minister: posityf
Op 9 febrewaris ll., binne de plannen fan de stifting Holwert oan See presintearre op in sympoasium. De stifting hat in hiel soad foarwurk dien. Der is û.o. in besite brocht oan minister Schulz. Hja wie hiel posityf oer de plannen, benammen omt dy fanút de mienskip komme. Ek de belutsen gemeente(n), Wetterskip Fryslân en Rykswettersteat binne hiel posityf oer de plannen.
Provinsje moat foartou nimme
It komt der no op oan dat de plannen konkreet útwurke wurde, sadat dy oan ‘e minister oanbean wurde kinne en opnaam yn de lanlike gebietsôfspraken (MIRT). Boppeneamde partijen pleitsje derfoar dat de provinsje no it foartou nimt en in projektlieder oanstelt dy’t de plannen klearmakket foar opname yn’e lanlike gebietsaginda.
Stuur je tip, video of foto's naar:
0511-441202 of nieuws@rtvnof.nl.