Nei it grutte súkses fan “de Oerfal” yn de âlde Ljouwerter finzenis “de Blokhuispoort”, ûntstie it idee om mei in oantal spilers ris wat oars te dwaan. De gearwurking wie poerbêst befallen en eins woene in oantal mekoar noch net los litte. Nei it lêzen fan it stik “Praatsjes”, wie it gau beslikke: In moai kluchtich stik, mei prachtige dialogen. Dat moatst it wurde!
Der wie lykwols in grut probleem: der wie neat. Gjin plak om te repetearen, gjin plak om te spyljen, gjin organisaasje en benammen gjin jild. Der wie krisis. Mar troch geweldige reaksjes fan alle minsken dy’t benadere binne, kin it Krisitoaniel no los. Sense Dokkum stelt repetysjeromte beskikber en de ùtfierings fine dêr fansels ek plak. Ek de kaartferkeap rint fia Sense Theater.
Praatsjes giet oer in bysûnder feestje ta gelegenhyd fan in 10-jierrich houliksfeest. De gasten binne der, mar wêr is it jubilearjende stel keard? Wat soe dêr no efter sitte kinne? Eltse gast hat dêr wol in miening oer en dat jout fansels in hiel soad argewaasje en fansels: praatsjes!
Utfierings fan praatsjes binne op 1 novimber (Premjêre), 7 en 8 novimber. Oanfang 20:15 oere, Kaarten €12,50, kaartferkeap rint fia Sense Theater.